A Xunta aporta 1,28 millóns de euros para a construción dun centro de aplicacións láser en O Porriño 03/07/2009
Europa Press
O Consello da Xunta aprobou hoxe aportar 1,28 millóns de euros para a construción dun centro de aplicacións láser en O Porriño (Pontevedra), cuxo custo total ascenderá a 4,3 millóns, e no que se levarán a cabo investigacións en materia de soldadura, o tratamento de superficies e o conformado láser. Deste xeito, o Goberno galego deu o visto bo á firma dun convenio de colaboración entre a Consellería de Economía e Industria, o Ministerio de Ciencia e Innovación e o Centro Tecnolóxico de la Asociación de Investigación Metalúrxica do Noroeste (Aimen), que será a titular do centro, co que a Xunta pretende convertir a Galicia no ”centro de referencia” neste ámbito.
O 54% das empresas galegas innovadoras considera ”aceptable” a infraestrutura científico-tecnolóxica 03/07/2009
Europa Press
O 54 por cento das empresas galegas que desenvolven actividades de innovación considera ”aceptable” a estrutura científico-tecnolóxica existente na comunidade, se ben a maioría cree que o alcance dos seus servizos debería extenderse. Así o conclúe o ´Informe Innova 2009, Capacidade de I+D+i das empresas galegas´ realizado pola consultora galega Inova e o grupo de investigación Rede da Universidade de Vigo. O traballo, presentado hoxe na cidad, analiza as capacidades empresariais requeridas para abordar actividades innovadoras, tras consultar a 50 compañías galegas --que desenvolven algún proxecto que implique innovación-- de 14 sectores diferentes.
Publicadas as Bases dos Premios Príncipe Felipe á Excelencia Empresarial 03/07/2009
Ministerio de Industria, Turismo y Comercio
O obxcectivo dos galardóns é recoñecer o mérito e o prestixio das empresas que realizaran un importante esforzo por mellorar a súa competitividade. Os premios divídense en distintas modalidades: Excelencia Turística, Internacionalización, Sociedad da Información, Calidade e Innovación Industrial, Eficiencia Enerxética e Enerxías Renovables, e á Competitividade da PEME e da Gran Empresa. Como novidade créase o Premio Extraordinario á Traxectoria Empresarial a título individual co que se distingue a un empresario de amplia traxectoria profesional, de prestixio e proxección social.
O investimento tecnolóxico impulsa a innovación e os beneficios empresariais 03/07/2009
Techweek
O informe anual de tendencias internacionais de Atos Consulting, Look Out, sitúa á innovación como o factor máis crítico para un crecemento sostible. ”A innovación aberta e as TIC. Factores clave para gañar a crise” é o título da segunda edición do Informe Internacional de Tendencias Look Out de Atos Origin no que subliña o papel vital que xoga a tecnoloxía para impulsar o aumento de ingresos das empresas, axudalas a desenvolver unha relación de éxito con clientes e socios, e abrir novas oportunidades de negocio.
Un estudo do CSIC sobre o wolframio destaca a importancia das minas galegas de metade de século 03/07/2009
Europa Press
O proxecto de I+D+i ”Investigación etnoarqueolóxica da industria do wolframio na comarca do Barbanza” que realizará o Consello Superior de Investigacións Científicas (CSIC) en colaboración coa empresa privada de xestión cultural Alicerce, difundirá a importancia da explotación mineira en Galicia de metade de século. Na presentación, que tivo lugar no Insituto de Estudos Galegos Padre Sarmiento , os dous principais responsables da investigación, Leonardo González Pérez (Alierce) e Xurxo Ayán (Laboratorio de Patrimonio do CSIC), profundizaron na historia da explotación intensiva do wolframio na comarca de O Barbanza entre 1939 e 1953, etapa na que Galicia alcanzou o 69% do total da produción de wolframio en España.
Un informe do JRC destaca a necesidade de aumentar o investimento en enerxías renovables 02/07/2009
Cordis Noticias
Europa pode cumprir os seus ambiciosos obxectivos relativos ás enerxías renovables, pero só se os gobernos ofrecen un maior apoio normativo e financeiro ás novas tecnoloxías, conclúe un informe recente do Centro Común de Investigación (JRC) da Comisión Europea. A UE propuxo aumentar a porcentaxe de enerxías renovables ata un 20% do consumo total de enerxía para o ano 2020. Este obxectivo forma parte dos amplos esforzos da UE para afrontar o cambio climático.
O Cetal asinará un convenio con Fricosa para obter unha proteína de sangue de animais sacrificados 01/07/2009
Europa Press
O director xeral do Centro Tecnolóxico de Lugo (CETAL), Eduardo Vidal, anunciou hoxe que este instituto estuda subscribir un convenio con Fricosa para obter unha proteína a través do aproveitamento da sangue dos animais sacrificados. Despois dunha reunión do patronato da Fundación CETAL, que presidíu o alcalde de Lugo José López Orozco, Vidal adiantou que en ”datas próximas” asinarase este convenio coa empresa cárnica, que consistirá ”no aproveitamento da sangue dos sacrificios dos animais para extraer e poñer no mercado a proteína contida na sangue”.
Feijóo destaca que o futuro de Galicia se xoga “no campo do coñecemento, da innovación, do talento e do compromiso social” 01/07/2009
Xunta de Galicia
“A nosa convicción é a de que o futuro de Galicia se xoga no campo do coñecemento, da innovación, do talento e do compromiso social”. Así o salientou o máximo mandatario galego, Alberto Núñez Feijóo, no transcurso da entrega dos premios da Confederación de Empresarios de Lugo (CEL), que presidiu esta noite na capital luguesa. “O Goberno galego ten un compromiso claro cos emprendedores da nosa terra, aos que non deixaremos en soidade na súa encomiable tarefa”, manifestou.
A política de innovación en tempos de crise: o grupo «Coñecemento ao Servizo do Crecemento» 30/06/2009
Cordis
«Antes da crise, a pregunta era cpmo pode Europa mellorar o seu rendemento no ámbito da innovación con respecto aos Estados Unidos. No contexto da crise económica actual, Estados Unidos e Europa ven na innovación o motor que nos sacará do pozo no que caeron as nosas economías», afirmou Bart van Ark, de The Conference Board, no congreso de clausura do grupo «Knowledge for Growth» (K4G, «Coñecemento ao Servizo do Crecemento») celebrado o 25 de xuño en Bruxelas (Bélxica).
A Plataforma Tecnolóxica para a Enerxía Nuclear Sostible presenta unha estratexia de investigación 30/06/2009
Cordis
A comunidade investigadora europea sobre fisión nuclear concluíu a súa Axenda Estratéxica de Investigación (AEI), que se presentou no congreso FISA 2009 celebrado entre os días 22 e 24 de xuño en Praga (República Checa). Esta axenda xa estaba dispoñible uns días antes de que o Comité Consultivo Euratom do programa de Fisión (CCE-FI) presentara unha revisión independente da competencia europea en materia de investigación sobre fisión nuclear e o Consello de Medio Ambiente adoitara a Directiva de Seguridade Nuclear, que representa a primeira lexislación vinculante da UE sobre seguridade nuclear para todos os Estados membros da Unión Europea.
